Messi: "Ronaldu sehrli o'yin ko'rsatdi"

"Barselona" sardori Lionel Messi EChL 1/8 finalida "Lion" ustidan qozonilgan g'alabadan so'ng (5:1, 0:0) fikrlari bilan o'rtoqlashdi.

"2:1 hisobida biroz qiynalishimizga to'g'ri keldi, o'zimizga o'zimiz muammolar yaratdik. Jarima to'pigacha raqib hech qanday vaziyat yarata olmayotgandi. Baxtimizga uchinchi golni urdik va xotirjam tortdik.

Ronaldu? Krishtianu va "Yuventus" qoyilmaqom o'yin qilib berdi. Men "Atletiko" kuchliroq bo'ladi deb o'ylagandim. Ronaldu uchta gol urib, sehrli o'yin ko'rsatdi.

Qur'a? Hamma raqiblar qiyindirlar. Eng qiyiniga tayyor bo'lishimiz kerak", - deydi Messi.