Neymar aytgan gaplari uchun jazolanishi mumkin

UEFA hakamlarni tanqid qilgan «PSJ» hujumchisi Neymarni jazolashi mumkin.

Avvalroq, futbolchi Chempionlar Ligasi 1/8 finalidan o'rin olgan «Manchester Yunayted»ga (1:3) qarshi bahsdan so'ng: «Sharmandalik, VAR`dagi to'rt kishi futbolni umuman tushunmaydi», degan edi.

Sport xabariga ko'ra, bu so'zlari uchun braziliyalik to'purar 1-3 o'yinga diskvalifikatsiya qilinishi mumkin.

Eslatib o'tamiz, ayni paytda Neymar jarohatini davolash bilan shug'ullanmoqda. Uning aprel oyining oxirida maydonga qaytishi kutilyapti.