Shavkat Mirziyoevning kuyovi sport federatsiyasiga prezident etib saylandi

Otabek Muhammadalievich Umarov O'zbekiston triatlon federatsiyasi prezidenti lavozimiga saylandi. Bu haqda Worldnews.uz axborot agentligiga yaqin manba ma'lum qildi.

Aytilishicha, bugun, 7 mart kuni O'zbekiston Milliy olimpiya qo'mitasida O'zbekiston triatlon federatsiyasining hisobot-saylov konferentsiyasi o'tkazilgan.

Konferentsiyada triatlon federatsiyasiga yangi rahbar sifatida Otabek Umarov nomzodi ko'rsatilgan va nomzod bir ovozdan qo'llab-quvvatlangan.

Ma'lumot o'rnida, Otabek Muhammadalievich Umarov O'zbekiston Prezidenti Shavkat Mirziyoevning kuyovi hisoblanadi.

Otabek Umarovni Prezident yonida tushgan ko'plab suratlari bor. Norasmiy ma'lumotlarga ko'ra, u Shavkat Mirziyoevning tan soqchilari rahbari bo'lib ham ishlaydi.