Isroil Madrimovning raqibi aniq

Xabar berganimizdek, yurtdoshimiz Isroil Madrimov 9 mart kuni AQShda o'zining professional boksdagi ikkinchi jangini o'tkazadi. Bir necha soat avval vakilimizning raqibi ham aniqlandi.

Unga ko'ra Madrimov venesuelalik Frenk Roxasga qarshi ringga chiqadigan bo'ldi. Ma'lumot uchun, Frenk shu paytgacha professional boksda 26 marta ringga ko'tarilib 24 bor zafar quchgan. G'alabalarining 23 tasida raqibini nokautga uchratgan va 2 bor mag'lub bo'lgan.

Isroil Madrimov ayni damda “WBA Intercontinental champion” yo'nalishi bo'yicha jahon reytingining to'qqizinchi pog'onasida turibdi. Bo'lajak bahsda yurtdoshimizga omad tilaymiz.