Engil atletika. 200 metrga yugurishda O'zbekiston rekordi yangilandi

26-28 fevral kunlari engil atletika bo'yicha yopiq inshootlarda O'zbekiston chempionati bo'lib o'tdi.

Ushbu musobaqada O'zbekiston terma jamoasi a'zosi Jaloliddin Hamroqulov 200 metr masofaga yugurishda 22,15 sekund natija bilan g'oliblikni qo'lga kiritdi. Bu orqali 21 yoshli sportchi yopiq inshotlarda 2004 yilda o'rnatilgan O'zbekiston rekordini yangiladi.

Avvalgi rekord Oleg Juravlyovga tegishli bo'lib, o'shanda ushbu atlet 22,25 sekund natija qayd etgandi.

Nishon tumanida tug'ilgan Jaloliddin Hamroqulov endi Qatarda o'tadigan Osiyo chempionatida O'zbekiston sharafini himoya qiladi.