Egor Krimets: «Biz yangi jamoa bilan yangi maqsadlar sari bormoqdamiz»

Xabaringiz bor ertaga "Paxtakor" Chempionlar Ligasi 1-turida Tehronda "Persepolis" mehmoni bo'ladi. Bugun esa ushbu bahs oldidan murabbiy va futbolchilar ishtirokida matbuot anjumani bo'lib o'tdi. Uning birinchi qismida “sherlar” himoyachisi Egor Krimets ishtirok etdi va ertangi o'yin haqida o'z fikrini bildirib o'tdi.

“Bizni ertaga juda qiyin o'yin kutmoqda. Guruh bosqichida xato qilish kerak emas. Biz yangi jamoa bilan yangi maqsadlar sari bormoqdamiz. Raqibimiz kuchli futbolchilarga ega. Ularni ko'plab muxlislar qo'llab turadi”, -deydi tajribali futbolchi.

Eslatib o'tamiz, “Persepolis” – “Paxtakor” uchrashuvi "Ozodi" stadionida Toshkent vaqti bilan soat 20:00da boshlanadi.