«Chelsi» Kepani jarimaga tortdi

«Chelsi» darvozaboni Kepa Arrisabalaga Angliya liga kubogi final bahsida zaxiraga chiqishdan bosh tortgani uchun klub bosh murabbiyi Mauritsio Sarridan uzr so'radi.

Italiyalik mutaxassis penaltilar seriyasi oldidan Kepaning o'rniga Villi Kabaleroni tushirishni istagandi. 24 yoshli ispaniyalik darvozabon esa rad javobini berdi va penaltilar seriyasida o'zi qatnashdi. Ammo omad "Manchester Siti" tomonida bo'ldi.

Mazkur ishi uchun «Chelsi» rahbariyati Kepani bir haftalik maosh miqdorida jarimaga tortdi. Norasmiy ma'lumotlarga qaraganda, darvozabon bir haftalik maoshi 195 ming funt (taxminan 225 ming evro)ga teng.