Messi faoliyatidagi 50-«xet-trik»ga erishdi va Ronalduga juda yaqinlashdi

«Barselona» sardori Lionel Messi La liga doirasida «Sevilya»ga qarshi o'yinda (4:2) 3ta gol urishga muvaffaq bo'ldi.

Argentinalik futbolchi faoliyati davomidagi 50-«xet-trik»ga erishdi. U «Valensiya» va «Sevilya» darvozalariga 4 marta uchtadan gol urishga muvaffaq bo'ldi. Shuningdek, argentinalik o'yinchi «Atletiko», «Deportivo» va «Osasuna»ga qarshi o'yinlarda 3 martadan "xet-trik"ga erishdi. Bu Messi uchun Ispaniya chempionatidagi 32-«xet-trik» bo'ldi.

Krishtianu Ronaldu hisobida esa jami 51ta "xet-trik" mavjud bo'lib, portugaliyalik futbolchi shundan 35tasini milliy chempionatlar doirasida rasmiylashtirgan.