Valverde: «Birinchi o'yindagi 0:0 hisobi — juda xavfli»

«Barselona» bosh murabbiyi Ernesto Valverde Evropa chempionlar ligasining nimchorak final bosqichi doirasida bo'lib o'tgan «Lion»ga qarshi dastlabki o'yin (0:0) borasida o'z fikrlarini bildirib o'tdi.

«Biz yaxshiroq natijaga umid qilgandik. Buning uchun bor kuchimizni sarfladik. Yaratilgan vaziyatlarni golga aylantirish nasib etmadi.

O'z uyimizda yaxshi o'ynaymiz, ammo 0:0 hisobi — juda xavfli. Javob o'yinida g'alaba qozonishimiz kerak, xususan, muxlislarimizning yordami bilan.

Uch yildan beri Chempionlar ligasining safar o'yinlarida g'alaba qozona olmayapmiz? Bizga kuchli raqiblar duch kelmoqda. Jumladan, «Lion» ushbu mavsumda hali mag'lubiyatga uchramagan», – dedi Valverde.

"Barselona" va "Lion" o'rtasidagi javob bahsi 13 mart kuni «Kamp Nou»da bo'lib o'tadi.