Serxio Ramos: «Real» chempionlik uchun kurashni davom ettiradi»

«Real» sardori Serxio Ramos «Atletiko»ga qarshi bo'lib o'tgan o'yin (3:1) borasida o'z fikrlari bilan o'rtoqlashdi.

«Chempionlik uchun kurash davom etadi. Hali oldinda o'yinlar ko'p. Har qanday jamoa muammo yaratishi mumkin. Buni birinchi davra ko'rsatib berdi. Sovrin uchun kurashdan umid uzmadik. «Barselona» bizdan ancha oldinda bo'lsa-da, ularga qiyinchilik tug'dirishga harakat qilamiz.

«Real» bugun juda yaxshi o'yin o'tkazdi. Nafaqat hujumda, balki himoyada ham, umuman barcha jihatdan namunali o'yin namoyish qildik. Raqibga hech qanday imkoniyat qoldirmadik. Natijani adolatli deb hisoblayman», – dedi Ramos.