38 yoshli «robot» APLga qaytdi

Angliyaning “Stok Siti” klubi hujumchisi Piter Krauch “Byornli”ga ko'chib o'tdi. Bu haqda klub rasmiy sayti xabar tarqatdi.

Krauch tibbiy ko'rikdan muvaffaqiyatli o'tdi va yangi klubi bilan mavsum so'nggiga qadar shartnoma imzoladi. Krauch yangi jamoasi safida 15-raqamda to'p suradi.

Eslatib o'tamiz, Krauch 2011 yildan “Stok Siti” sharafini himoya qilib kelayotgandi. U joriy mavsum Chempionshipda 23 o'yinda 1 ta gol va 1 ta golli uzatma amalga oshirgan.