Iguain «Chelsi» safidagi debyut o'yinida penalti tepishdan bosh tortdi

Angliya kubogining 1/16 final bosqichi doirasida «Chelsi» va «Sheffild Uensdey»ga qarshi o'yinda (3:0) londonliklar penalti tepish huquqini qo'lga kiritdi. Mezbonlar futbolchisi Villian 11 metrli jarima zarbasini tepishni Gonsalo Iguainga taklif qildi.

Bu haqda braziliyalik o'yinchi: «To'pni unga berishni istagandim, uning birinchi golni urishini xohlagandim», — dedi.

Argentinalik futbolchi ushbu imkoniyatdan foydalanishni xohlamadi. Natijada penaltini Villian amalga oshirdi.

Iguain o'tgan haftada ijara asosida «Chelsi»ga o'tgandi. Londonliklar yana 18 million evro pul to'lab uning ijarasi yana bir yilga uzaytirishlari yoki 36 million evroga to'liq sotib olishlari mumkin.