Geynrix futbol ommasiga iltimos yo'lladi

Osiyo Kubogi doirasidagi Avstraliya - O'zbekiston uchrashuvidan so'ng terma jamoamizning sobiq hujumchisi Aleksandr Geynrix biz bilan bog'lanib, futbolchilarni ko'p ham tanqid qilmaslikni, ularni qo'llab-quvvatlash lozimligini iltimos qildi. Bu haqda Osiyo Kubogi-2019 telegam kanali xabar tarqatdi.

"OAV va futbol muxlislaridan terma jamoamiz futbolchilarini tanqidlarga ko'mib yubormaslikni iltimos qilaman! Men o'yinni televizor orqali tomosha qildim. Hamkasblarimning holatiga achindim. Kechagina ular bilan bir maydonda to'p tepayotgandim. Futbolchilarga qanchalik og'irligini men sobiq futbolchi sifatida juda yaxshi bilaman. Futbolchilarni o'rniga buni men iltimos qilaman", - deydi Aleksandr Geynrix.