"Al-Hilol" haligacha Fernandeshdan umidini uzmagan

Saudiya Arabistonining "Al-Hilol" klubi "Manchester Yunayted" sardori Brunu Fernandeshga qiziqish bildirishda davom etmoqda.

Evropa ligasi finalida "Tottenxem"dan uchralgan mag'lubiyatdan so'ng (1:0) Fernandesh "MYu"da qolishni istayotganini, lekin agar klub uni sotishga harakat qilsa, ketishi mumkinligini aytdi.

Bu o'z jamoasida Kalidu Kulibali, Ruben Nevesh va Aleksandr Mitrovich kabi sobiq Premer-liga o'yinchilari bilan maqtanadigan "Al-Hilol"ga ham ta'sir qilishi mumkin.

Sky Sports nashri xabariga ko'ra, hozirda muzokaralar ilg'or bosqichda emas, lekin vaziyat tezda o'zgarishi mumkin, chunki "Al-Hilol" Brununi klublar o'rtasidagi jahon chempionatiga olib ketish uchun 1 iyundan 10 iyunga qadar yozgi maxsus transfer oynasida Fernandesh bilan shartnoma imzolamoqchi.

Fernandesh Ruben Amorim jamoasining asosiy o'yinchisi, shartnomasi 2027 yilgacha mo'ljallangan portugaliyalik yarim himoyachi sentyabr oyida 31 yoshga to'ladi.