"Tottenxem" futbolchilari Postekogluning iste'fosini kutishmoqda

"Tottenxem" futbolchilari keyingi mavsumda Anj Postekoglu murabbiy bo'lishini kutishmayapti.

"Tottenxem" chorshanba kuni Evropa finalida "Manchester Yunayted" ustidan 1:0 hisobida g'alaba qozonib, so'nggi 17 yildagi ilk sovrinini qo'lga kiritdi.

Daily Mail nashri xabariga ko'ra, Lyovi hozirda shartnomasi 2026 yilning yoziga qadar mo'ljallangan Postekoglu bilan xayrlashishga intilmoqda. Jamoaning kiyinish xonasida shunday tuyg'u bor.

Kubokni qo'lga kiritib, Chempionlar ligasiga yo'llanma olganiga qaramay, Lyovi "Tottenxem" Premer-ligada so'nggi to'qqiz oy davomida qiynalayotganiga ko'z yumolmaydi.

Qolaversa, Lyovi allaqachon Postekoglu o'rnini bosadigan variantlarni ko'rib chiqishni boshlagan va ulardan biri "Fulxem" ustozi Marko Silva.