Ronaldino nima uchun Yamalni Messi bilan solishtirishni yoqtirmasligini tushuntirdi

"Barselona"ning sobiq futbolchisi Ronaldino "blaugrana" vingeri Lamin Yamalni Lionel Messi bilan solishtirish haqidagi savolga javob berdi.

"Menga bunday taqqoslashlar yoqmaydi, chunki har bir futbolchining o'ziga xos o'yin uslubi bor. Asosiysi, Yamal odamlarga o'z davridagidek yoki Messi kabi quvonch bag'ishlaydi", - deya braziliyalikning so'zlarini keltiradi Marca.

Joriy mavsumda 17 yoshli Yamal barcha turnirlarni hisobga olgan holda 54 ta o'yinda maydonga tushib, 18 ta gol urdi va 25 ta golli uzatmani amalga oshirdi.