Yoro: "MYu" har safar mag'lub bo'lganida Amorim juda xafa bo'ladi"

"Manchester Yunayted" markaziy himoyachisi Leni Yoro 21 may kuni bo'lib o'tadigan "Tottenxem"ga qarshi Evropa ligasi finalidan oldingi fikrlari bilan o'rtoqlashdi.

"Finalda g'alaba qozonish - bizning ustuvor vazifamiz, chunki biz keyingi mavsumda Evropa musobaqalarida ishtirok etish huquqini qo'lga kiritamiz. Premer-ligada ham borimizni beramiz, etishmayotgan narsani topishimiz kerak. Evropa ligasida esa biz yaxshi harakat qilmoqdamiz, shuning uchun bu ijobiy holat.

Har safar yutqazganimizda murabbiy juda xafa bo'ladi. U juda yuqori saviyadagi murabbiy. U bizni tushunadi. U futbolchilarni va ularning xatti-harakatlarini qanday boshqarishni juda yaxshi biladi", - dedi Yoro.