Ronaldino: "Umid qilamanki, "Barselona" tez orada Chempionlar ligasida g'alaba qozonadi"

"Barselona"ning sobiq futbolchisi Ronaldino "blaugrana"ning yosh avlodi yaqin yillarda Chempionlar ligasida g'alaba qozona oladimi, degan savolga javob berdi.

"Umid qilamanki, "Barsa" tez orada Chempionlar Ligasida g'olib chiqadi. Ularda hech narsadan qo'rqmaydigan, o'zini ishonchli ko'rsatuvchi yosh futbolchilar bor. Bu nima uchun o'ynashini biladigan jamoa. Flik juda zo'r ish qildi", - deya Ronaldino so'zlarini keltiradi Marca.

Flik o'tgan yozda "Barselona" bosh murabbiyiga aylandi. Joriy Chempionlar ligasida “blaugrana” yarim finalga qadar etib borgan va u erda “Inter”ga ikki o'yin natijasiga ko'ra mag'lub bo'lgandi.