"Barsa" qanot himoyachisining jamoadagi kelajagiga oydinlik kiritib oldi

"Barselona"ning qanot himoyachisi Ektor Fort kelasi mavsum ham jamoada qoladigan bo'ldi.

Jurnalist Karlos Monfortning ta'kidlashicha, 18 yoshli futbolchi klub va murabbiy tomonidan ishonch kafolatini olgan. Futbolchiga Flik keyingi mavsumda unga umid qilayotgani, shuning uchun "ko'k-anorranglilar" u bilan xayrlashmoqchi emasligi aytilgan, deya ta'kidladi manba.

Joriy mavsumda Fort barcha musobaqalarni hisobga olgan holda 21 ta o'yinda maydonga tushdi, ammo samarali harakat qilmadi.

Fortning "Barselona" bilan amaldagi shartnomasi 2026 yilning yozigacha mo'ljallangan. Transfermarkt ekspertlari himoyachining narxini o'n million evroga baholamoqda.