"Inter" Luis Enrike uchun qancha sarflashga tayyor ekanligi ma'lum bo'ldi

"Inter" Luis Enrike Lima transferiga yaqin turibdi.

Milanliklar "Marsel" bilan 23 yoshli vinger transferi bo'yicha kelishuvga "bir qadam" qolmoqda, deb yozadi Janluka Di Martsio. "Neradzurrilar" o'z taklifini yaxshiladi va endi 22 million evro va bonuslar bermoqda, frantsuzlar taxminan 2 million evro ko'proq olishni istamoqda.

Shu bilan birga, futbolchini boshqa klublar ilib ketish xavfi ham bor.

O'tgan mavsumda braziliyalik futbolchi Liga 1da 33 ta o'yinda maydonga tushib, 7 ta gol va 7 ta golli uzatmaga mualliflik qilgan.