Maguayr: "Kelasi mavsum kuchliroq bo'lamiz"

Xarri Maguayr "MYu" kelasi mavsumda o'z o'yinini yanada yaxshilashini aytdi.

Ruben Amorim bosh murabbiyligidagi jamoa chempionat yakunlanishiga bir tur qolganida APL jadvalida 16-o'rinni egallab turibdi.

"Biz bu mavsum etarlicha yaxshi bo'lmaganini bilamiz. Bu juda qiyin bo'lganiga shubha yo'q.

So'nggi bir-ikki oyda asosiy tarkib borasida Evropa Ligasiga e'tibor qaratdik. Bu xafa qiladi. Bunday bo'lishi mumkin emas.

Ikki oy oldin yaxshiroq holatda bo'lishimiz, Evropa Ligasi va Chempionlar Ligasi yo'llanmasi uchun kurashishimiz kerak edi. Bu klub shuni talab qiladi.

Bu mavsum ushbu klub uchun va bizning standartlarimiz uchun etarlicha yaxshi bo'lmaganini tushunamiz. Keyingi mavsumda biz yaxshiroq bo'lamiz," - dedi "Manchester Yunayted" himoyachisi Xarri Maguayr.