Pedri: "Keyingi mavsumda "Barselona" yana barcha sovrinlar uchun kurashadi"

"Barselona" yarim himoyachisi Pedri jamoaning keyingi istiqbollari haqidagi fikrlari bilan o'rtoqlashdi.

Xans-Diter Flik boshchiligidagi debyut kampaniyasida "ko'k-anorranglilar" La Liga, Ispaniya kubogi va Superkubokda g'alaba qozonishga muvaffaq bo'lishdi va Chempionlar Ligasida yarim finalga chiqishdi va u erda "Inter"ga yutqazishdi.

"Biz yoshmiz, shuning uchun har doim hamma narsani yutishni xohlaymiz. Keyingi mavsumda yana barcha sovrinlar uchun kurashamiz va futboldan zavq olamiz. Ko'rinib turibdiki, jamoaning yosh futbolchilari o'yindan zavq olishsa, muxlislar ham zavq olishadi. Odamlarga bizning o'yin uslubimiz yoqadi, bu biz uchun muhim," - deya Pedrining so'zlarini keltiradi Ispaniya OAV.