Bernal yana qachon "Barselona"da o'ynay olishi haqida gapirdi

"Barselona" yarim himoyachisi Mark Bernal jarohatidan so'ng safga qaytishi haqidagi savolga javob berdi.

17 yoshli futbolchi mavsum startida "ko'k-anorranglilar"ning asosiy tarkibiga kirdi, biroq ko'p o'tmay xochsimon payining uzilishi tufayli safdan chiqdi. Yosh yarim himoyachi atigi uchta o'yin o'tkazishga ulgurdi.

"Taxminan shu yilning avgust oyida maydonga qaytishim mumkin, deb o'ylayman," - deya yosh yulduzning so'zlarini keltiradi jurnalist Fabritsio Romano.