"Fulxem" zaxiradan maydonga tushib gol urish bo'yicha APL rekordini o'rnatdi

18 may kuni "Fulxem" APLning 37-turida "Brentford"ni mehmonda mag'lub etdi – 3:2.

Ikkinchi bo'limda zaxiradan maydonga tushgan Tom Kerni va Xarri Uilson mezbonlar darvozasiga bittadan gol urishdi. "Fulxem" uchun bular Premer-liganing joriy mavsumida urilgan 16 va 17-gollar bo'ldi.

Squawka portali xabar berishicha, bu Premer-liganing yangi rekordidir. Avvalroq "Arsenal" (2009/10), "Manchester Siti" (2011/12) va "Liverpul" (2015/16) bir mavsumda 15 tadan shunday gol urishgan.