"Milan", "Yuventus" va "Inter" "Parma"ning 18 yoshli markaziy himoyachisiga qiziqish bildirmoqda

Nikolo Skiraning so'zlariga ko'ra, "Milan" so'nggi haftalarda markaziy himoyachi Jovanni Leonini kuzatish uchun "Parma" o'yinlariga skautlarni yubormoqda.

Futbolchiga “Milan”dan tashqari “Yuventus” va “Inter” ham qiziqish bildirmoqda.

Leoni "Sampdoriya"dan 4,8 million evro evaziga o'tganidan keyin 2024 yilning avgustidan beri "Parma"da o'ynamoqda. Uning shartnomasi 2029 yilning 30 iyuniga qadar amal qiladi.

Joriy mavsumda Jovanni klub safida 16 ta o'yinda maydonga tushib, 1 ta gol urdi.