Kroos "Real" uchun yangi yarim himoyachini tanladi

Germaniyaning “Shtutgart” klubi yarim himoyachisi Anjelo Shtiller Ispaniya futbol gigantida ishlash imkoniyatiga ega. Todofichajes portali xabariga ko'ra, "Real Madrid" 24 yoshli yarim himoyachi bilan shartnoma imzolashi mumkin.

Manbaga ma'lum bo'lishicha, Shtiller nomzodini "Los-Blankos"ning sobiq futbolchisi Toni Kroos shaxsan tavsiya qilgan. Anjeloning transfer qiymati 38 million evroga baholanmoqda va uning "Shtutgart" bilan shartnomasi 2028 yilning o'rtalariga qadar mo'ljallangan.

Germaniya chempionati yakunlangan mavsumida yarim himoyachi 32 ta o'yinda maydonga tushdi. Shtiller bitta gol urdi va sakkizta golli uzatmani amalga oshirdi.