Job Bellingem nemis klubiga o'tishi mumkin

"Sanderlend"ning 19 yoshli yarim himoyachisi Job Bellingem faoliyatini Germaniya Bundesligasida davom ettirishi mumkin. Bu haqda Sky Sports jurnalistlari xabar bermoqda.

Manbaga ko'ra, angliyalik futbolchiga "Ayntraxt" klubi qiziqmoqda. Klub 2025/2026 yilgi Chempionlar ligasi mavsumi boshlanishidan oldin o'z tarkibini Jud Bellingemning ukasi bilan kuchaytirmoqchi.

Markaziy yarim himoyachining "qora mushuklar" bilan shartnomasi 2028 yilning iyun oyi oxirigacha mo'ljallangan. Bellingemning transfer qiymati 22 million evroga baholanmoqda.

Joriy mavsumda Job chempionshipda 42 ta o'yin o'tkazdi. Yarim himoyachi 4 ta gol urdi va 3 ta golli uzatmani amalga oshirdi.