Anchelotti Mbappening "Real"dagi birinchi mavsumini baholadi

"Real" bosh murabbiyi Karlo Anchelotti jamoa hujumchisi Kilian Mbappe haqida fikr bildirdi. Frantsuz Madriddagi debyut mavsumida 40 ta gol urishga ulgurdi.

"Mbappe 40 dan ortiq gol urdi. Uning "Real"dagi birinchi mavsumi juda yaxshi o'tdi. Va ishonchim komilki, u yanada yaxshi bo'lishi mumkin," - dedi Anchelotti matbuot anjumanida jurnalistlarga.

Joriy mavsumda "Real" La Ligada yana ikkita o'yin o'tkazadi - safarda "Sevilya"ga qarshi va o'z maydonida "Real Sosedad"ga qarshi. Shu bilan birga, Karlo Anchelotti jamoasining turnirdagi o'rni endi o'zgarmaydi - "qaymoqranglilar" ikkinchi o'rinni egallaydi.