Ronaldu yana 2 mavsum o'ynashni rejalashtirmoqda

“An-Nasr” hujumchisi Krishtianu Ronaldu faoliyatini yakunlamoqchi emas, deya xabar beradi insayder Nikolo Skira.

40 yoshli portugaliyalikning Saudiya klubi bilan shartnomasi yozda nihoyasiga etadi, biroq uning rejasi aniq - keyingi ikki mavsumda o'ynash.

Futbolchiga bir qancha transfer takliflari tushgan va u kelajagini yaqin kunlarda hal qiladi.

Joriy mavsumda hujumchi “An-Nasr” safida 39 ta o'yinda maydonga tushib, 33 ta gol urdi va 4 ta golli uzatmani amalga oshirdi.