"Barsa" himoyachisi jarohat olgan

Payshanba oqshomida "Barselona" "Espanol"ni 2:0 hisobida mag'lub etib, chempionlikni rasmiylashtirdi. Shanba kuni kataloniyaliklar mashg'ulotlarni davom ettirishdi. Marca xabariga ko'ra, mashg'ulotda himoyachi Ronald Arauxo ishtirok etmagan.

Manbaning qayd etishicha, Arauxo "Espanol"ga qarshi derbini tizzasidagi muammo bilan yakunlagan. Jarohat jiddiy emasligi taxmin qilinmoqda, ammo urugvaylik futbolchining "Barselona"ning navbatdagi o'yinida ishtirok etishi deyarli istisno qilingan.

18 may, yakshanba kuni "Barselona" o'z uyida "Vilyarreal"ga qarshi Ispaniya chempionati o'yinini o'tkazadi. Bu kataloniyaliklarning joriy mavsumdagi so'nggi uy uchrashuvi bo'ladi.