Teo "Real"ga qaytmaydigan bo'ldi

"Milan"ning chap qanot himoyachisi Teo Ernandes yaqin transferlar davrida "Real"ga qaytishi dargumon.

"Qaymoqranglilar" kelasi yili "Milan" bilan amaldagi shartnomasi tugaydigan frantsiyalik futbolchiga qiziqish bildirmoqda. Jurnalist Matteo Morettoning yozishicha, Ernandesning xizmatlarini "Real"ga taklif qilishgan, ammo "qirollik klubi" uning transferini ko'rib chiqmagan. La Liga grandi "Benfika"dan Alvaro Karreras nomzodini ma'qul ko'rmoqda - bitim ustida ish olib borilmoqda.

Teo Ernandesning Transfermarkt saytidagi taxminiy narxi - 40 mln evro. Joriy mavsumda 27 yoshli futbolchi "rossonerilar" safida 49 ta o'yinda 5 ta gol va 6 ta golli uzatmaga mualliflik qilgan.