"Barselona" yulduz himoyachi uchun kurashda "Liverpul"ga yutqazdi

"Barselona" Leverkuzenning "Bayer" klubi o'ng qanot himoyachisi Jeremi Frimpongning transferini amalga oshira olmadi.

Aniq ma'lumotlarga ko'ra, niderlandiyalik futbolchi "Liverpul" safini to'ldiradi - "qizillar" bitimning barcha shartlarini kelishib olgan. Ushbu transfer ingliz grandiga 35 mln evroga tushadi. Diario Sport xabariga ko'ra, "Barselona" ham Frimpongni yaqinlashib kelayotgan transferlar davrida o'z safiga qo'shib olmoqchi edi, ammo "Liverpul" chaqqonroq bo'lib chiqdi.

24 yoshli futbolchi Arne Slot jamoasida Madridning "Real" klubiga erkin agent sifatida ketayotgan yulduz Trent Aleksandr-Arnoldning o'rnini egallaydi.