"Real" Subimendidan voz kechgani yo'q

"Real"dagilar "Arsenal" "Real Sosedad" yarim himoyachisi Martin Subimendi masalasida oldinga siljiganini bilishadi. Shu bilan birga, Madrid superklubi vaziyatni o'zgartirish va futbolchi uchun kurashda g'alaba qozonishga umid qilmoqda. Bu haqda AS nashri o'z sahifalarida ma'lum qildi.

Agar 26 yoshli Subimendi qo'lga kiritilmasa, "Real" boshqa futbolchilar variantiga o'tadi. Ro'yxatda Rodri, Bruno Gimaraes, Tidjani Reynders, Entso Fernandes, Aleksis Makallister va Ederson bor.

Nufuzli Transfermarkt portali mutaxassislari Martin Subimendini 60 million evroga baholamoqda. Subimendi 2024/2025-yilgi mavsumda 46 ta o'yinda maydonga tushib, ikkita gol urdi va ikkita golli uzatmani amalga oshirdi.