"Napoli" "Arsenal" futbolchisini bir shart bilan sotib olishga tayyor

Londonning "Arsenal" klubi himoyachisi Yakub Kivyor faoliyatini Italiya A Seriyasida davom ettirish variantiga ega. Polshalik futbolchining xizmatlariga "Napoli" qiziqish bildirmoqda, deb xabar beradi Calciomercato.

Jurnalistlar ma'lumotiga ko'ra, neapolliklar futbolchini sotib olishga tayyor, faqat bir shart bilan. Italiyaliklar "kanonirlar"ning yon berishini va futbolchining narxini 35 million evroga tushirishini istamoqda.

Yakub joriy mavsum 28 ta o'yinda ishtirok etib, 1 ta gol va 2 ta golli uzatmani o'z hisobiga yozdirib qo'ydi. Himoyachi va "Arsenal" o'rtasidagi amaldagi shartnoma 2028 yilning iyun oyi oxirigacha mo'ljallangan.