"Manchester Siti" Reynders uchun qancha taklif qilishi ma'lum bo'ldi

"Manchester Siti" "Milan" yarim himoyachisi Tidjani Reynders bo'yicha ilk taklifni tayyorlamoqda.

Niderlandiyalik futbolchi "shaharliklar"ning yaqinlashib kelayotgan transferlar oynasidagi asosiy maqsadlaridan biriga aylandi. Jurnalist Rudi Galettining yozishicha, ingliz grandi 26 yoshli futbolchi uchun taxminan 60 mln evro taklif qiladi. Biroq, "rossonerilar"ni bunday summa qoniqtirmasligi kutilmoqda, chunki xavbek yaqindagina 2030 yilgacha mo'ljallangan yangi shartnoma imzolagan.

Tidjani Reyndersning hisobida joriy mavsumda "Milan" safida barcha musobaqalarda 52 ta o'yinda 15 ta gol va beshta assist bor. Transfermarkt ekspertlari futbolchining narxini 50 mln evroga baholamoqda.