"Ajoyib edi": Flik Yamalning goliga izoh berdi

"Barselona" bosh murabbiyi Xans-Diter Flik "Espanol"ga qarshi chempionlik o'yinida Lamin Yamal tomonidan kiritilgan golga baho berdi.

"Ko'k-anorranglilar" derbida 2:0 hisobida g'alaba qozonishdi va mavsum tugashiga ikki tur qolganida La Liga chempionligini qo'lga kiritishdi. Lamin Yamal ikkinchi bo'lim boshida uzoq masofadan chiroyli zarba yo'llab, gol urgan bo'lsa, o'yin oxirida Fermin Lopesga assistentlik qildi.

"Qizib olish vaqtida Lamin xuddi shunday gol urayotganini ko'rdim. Bunday zarbalarni mashg'ulotlarda mashq qilayotganini har kuni ko'raman. Bu ideal edi," - dedi Flik o'yindan keyin jurnalistlar bilan suhbatda.