Kalafori - "Bolonya"ning Italiya kubogidagi g'alabasi haqida: "Tarixiy yutuq"

Londonning "Arsenal" klubi himoyachisi Rikardo Kalafori "Bolonya"ning Italiya kubogidagi so'nggi g'alabasiga izoh berdi.

"Rossoblu" yarim asrdan ko'proq vaqt ichida birinchi marta finalda "Milan"ni mag'lub etib (1:0) sovrinni qo'lga kiritdi.

"Men o'zimni hali ham bu ajoyib jamoaning bir qismi sifatida his qilayotganim uchun alohida his-tuyg'ularni boshdan kechiryapman. "Bolonya" bunga loyiq, tarixiy yutuq. Bunga erishish juda qiyin bo'ldi, ayniqsa, o'tgan mavsum ham klub uchun tarixiy mavsum bo'lganini hisobga olsak," - deya Kalaforining so'zlarini keltiradi jurnalist Alfredo Pedulla.