21 yildan beri La Ligada faqat "Barselona," "Real" va "Atletiko" g'alaba qozonmoqda. 2004 yilda "Valensiya" chempionlikni qo'lga kiritgandi

Yigirma yildan ortiq vaqt davomida Ispaniya chempionatida bor-yo'g'i uchta klubdan biri g'alaba qozonib kelmoqda.

Bugun 36-turda "Espanol"ni (2:0) mag'lub etgan "Barselona" muddatidan avval chempionlikni qo'lga kiritdi. Avvalgi 20 yilda "Real" va "Atletiko" ham sovrinni qo'lga kiritgan.

Bu ro'yxatdan joy olmagan so'nggi chempion "Valensiya" bo'ldi. U 2003/04 yilgi mavsumda La Ligada g'olib chiqqandi.