Reshford mavsumning qolgan o'yinlarida maydonga tushmaydi

"Aston Villa" bosh murabbiyi Unai Emeri hujumchi Markus Reshford "Tottenxem" va "Manchester Yunayted"ga qarshi o'yinlarda ishtirok eta olmasligini tasdiqladi.

"Tilemans va Reshford o'ynay olmaydi," - dedi Emeri APLning 37-turidan o'rin olgan "Tottenxem"ga qarshi o'yin oldidan o'tkazilgan matbuot anjumanida.

Shu bilan birga, "Manchester Yunayted" bilan tuzilgan ijara shartnomasiga ko'ra, futbolchi so'nggi 38-tur doirasida ushbu klubga qarshi bo'lib o'tadigan o'yinda ishtirok etishi mumkin emas.

Reshford "Aston Villa" safida so'nggi bor 22 aprel kuni APLning 34-turidan o'rin olgan "Manchester Siti"ga (1:2) qarshi o'yinda maydonga tushgandi. Ushbu o'yinda u payini shikastladi.