«Real» Xabi Alonsoning talabi bilan ilk transfer amalga oshirish arafasida

Madridning «Real» klubi «Bornmut» himoyachisi Din Xeysenning sotib olishga yaqin turibdi.

Insayder Fabritsio Romano xabar berishicha, 20 yoshli ispaniyalik markaziy himoyachi «qirollik klub»ning yozdagi birinchi yangi futbolchisiga aylanishi kutilmoqda. «Real» hech qanday muzokaralarsiz Xeysenning 50 million funtlik tovon pulini to'liq to'lagan va himoyachining atrofidagi shaxslar bilan muzokara olib bormoqda.

Xeysen Angliya Premer-ligasidagi debyut mavsumini «Bornmut» safida o'tkazdi. Klub uni 2023 yili 15,2 million evroga xarid qilgan edi. 2024/25 yilgi mavsumda u barcha musobaqalarda 34 ta o'yin o'tkazib, 3 ta gol urdi.