Jeymi Vardi futbolchilik faoliyatini davom ettirish niyatida ekanini ma'lum qildi

Angliyaning «Lester» klubi hujumchisi Jeymi Vardi professional futbolchilik faoliyatini davom ettirish niyatida ekanini aytdi. Avvalroq 38 yoshli forvard mavsum yakunlangach jamoani tark etishini ma'lum qilgan edi.

«Futbol — hayratlanarli dunyo. Nima bo'lishini hech qachon oldindan ayta olmaysan. Men faoliyatimni to'xtatmayman — to'xtash kerakligini oyoqlarim aytmaguncha. Hozircha oyoqlarim bilan hammasi joyida», — dedi Vardi Sky Sports nashriga bergan intervyusida.

Joriy mavsumda Vardi «Lester» tarkibida barcha turnirlarda 35 ta o'yinda qatnashib, 9 ta gol va 4 ta golli uzatma muallifi bo'ldi. Vardi 2012 yildan beri «Lester» safida to'p surib kelmoqda.

Ayni paytda, «Lester Siti» jamoasi mavsum yakunlariga ko'ra Angliya Premer-ligasini tark etadi — jamoa 36 ta o'yindan so'ng 22 ochko jamg'argan

Manba: championat.com