"Chelsi" Delapni nishonga oldi va hujumchi uchun kurashda "MYu"ni ortda qoldirdi

Londonning "Chelsi" klubi "Manchester Yunayted" qiziqish bildirayotgan "Ipsvich" hujumchisi Liam Delapni o'z safiga qo'shib olishga jiddiy bel bog'lagan. Bu haqda The Sun xabar bermoqda.

Manbaga ko'ra, "ko'klar" 22 yoshli forvard uchun 35 million evro to'lashga tayyor. Delapning o'zi "Manchester Siti" akademiyasidayoq tanish bo'lgan Entso Mareska bilan yana ishlash istagini ehtimoliy transferning muhim omili sifatida ko'rsatmoqda.

Ma'lumot uchun, Delap APLning bu mavsumida 35 ta bahsda raqiblar darvozasiga 12 ta gol va ikkita golli uzatma yozdirib qo'ygan. Uning klub bilan shartnomasi 2029 yilning yozigacha amal qiladi.