Klub tasdiqladi: "Barselona"ning muhim futbolchisi operatsiya qilindi

Hujumchi Ferran Torres 14 mayga o'tar kechasi appenditsit tufayli muvaffaqiyatli operatsiya qilindi. Jarrohlik amaliyoti muvaffaqiyatli o'tdi, bu haqda "Barselona" rasmiy sayti xabar bermoqda.

Shubhasiz, Torres yaqin orada mashg'ulot o'tkaza olmaydi va o'ynay olmaydi. Payshanba kuni "Barselona" Ispaniya chempionatida "Espanol" mehmoni bo'ladi. Start hushtagi Toshkent vaqti bilan 00:30 da yangraydi.

2024/2025 yilgi mavsumda Ferran Torres 45 ta o'yinda maydonga tushib, 19 ta gol urdi va 7 ta golli uzatmani amalga oshirdi.