Evra van Nistelroyni "MYu" mashg'ulotlaridagi eng ta'sirli o'yinchi deb atadi

Patris Evra mashg'ulotlarda Rud van Nistelroyning harakatlaridan hayratda qolganini yashirmadi.

- Mashg'ulotlarda kim eng yaxshi bo'lardi? Kim hammadan ko'proq taassurot qoldirardi?

- Meni van Nistelroy hayratga solardi. Uning mashg'ulotlarda urgan gollaridan ba'zilarini yozib olganimizda edi... Rostdan ham, bu aql bovar qilmas darajada ajoyib edi.

Eng tirishqog'i, shubhasiz, Krishtianu edi, eng yomoni esa Karlos Teves bo'lgan: u doim uyqusirab yurardi, mashq qilishni xohlamasdi, lekin dam olish kunlari hammaning o'rniga yugurardi," - dedi "Manchester Yunayted"ning sobiq himoyachisi CDC podkastida.