"Monako" "Bavariya" himoyachisini o'z safiga qo'shib olganini e'lon qildi

Himoyachi Erik Dayer "Monako" bilan shartnoma imzoladi, deya xabar bermoqda klub matbuot xizmati. 31 yoshli inglizning monakoliklar bilan kelishuvi uch yilga mo'ljallangan.

Avvalroq, Dayer "Bavariya"ni erkin agent sifatida tark etgandi.

2024/25 yilgi mavsumda uning hisobida myunxenliklar safida 27 ta o'yinda 3 ta gol va 1 ta golli uzatma bor. Bungacha Dayer "Tottenxem" va "Sporting" klublarida o'ynagan.