TsSKA penaltilar seriyasida "Zenit"ni mag'lub etib, Rossiya kubogi superfinaliga yo'l oldi

TsSKA Rossiya kubogi RPL yo'li finali javob o'yinida o'z maydonida "Zenit"ni mag'lub etdi - 2:0.

Ilk gol 37-daqiqada Matvey Kislyak hisobiga yozildi. Birinchi bo'lim oxirida "harbiylar" xavbeki Ivan Oblyakov penaltini aniq amalga oshira olmadi - zarbani mehmonlar darvozaboni Denis Adamov qaytardi. 90+2-daqiqada TsSKA forvardi Tamerlan Musaev ikkinchi golni urdi.

Ikki o'yin natijasiga ko'ra, hisob 2:2 ko'rinishiga keldi. Penaltilar seriyasida TsSKA futbolchilari aniqroq edi - 4:3. "Zenit" safida Aleksandr Sobolev va Gustavo Mantuan zarbalarni golga aylantira olmadi.

Sovrin uchun o'yinda "harbiylar" "Spartak" va "Rostov" o'rtasidagi Mintaqalar yo'li finali g'olibi bilan o'ynaydi (o'yin 15 may kuni bo'lib o'tadi). Superfinal 1 iyun kuni "Lujniki" stadionida bo'lib o'tadi.