Xarri Keyn chempionlik kubogini klub muzeyiga qo'ydi (foto)

"Bavariya" hujumchisi Xarri Keyn Myunxen jamoasining klub muzeyiga tashrif buyurdi va Germaniya chempioni 2024/2025 yilgi kubogi "Kumush salat idishi"ni taqdim etdi.

"Bugun muzeyda bo'lish va bu kubokni hamma ko'rishi uchun ko'rgazmaga qo'yishdan juda baxtiyorman!" — deb yozdi Keyn X ijtimoiy tarmog'ida.

Eslatib o'tamiz, myunxenliklar muddatdan oldin chempionlikni qo'lga kiritdi. Taqdirlash marosimi 10 may, shanba kuni Bundesliganing 33-turidan o'rin olgan Myonxengladbaxning "Borussiya" jamoasiga (2:0) qarshi o'yindan so'ng bo'lib o'tdi.

Qayd etish kerakki, 31 yoshli hujumchi uchun Germaniya chempionligi unvoni uning professional faoliyatidagi birinchisi bo'ldi.