"Barselona" uchta pozitsiyasiga yangi futbolchi sotib olmoqchi

"Barselona" yozda kuchaytirmoqchi bo'lgan pozitsiyalar ma'lum bo'ldi.

ESPN nashri xabariga ko'ra, Kataloniya klubi yaqinlashib kelayotgan transfer oynasida markaziy himoyachi, qanot himoyachisi va vinger sotib olmoqchi. "Ko'k-anorranglilar" yangi transferlarni amalga oshirish uchun ba'zi futbolchilarni sotishi kutilmoqda.

Klub sport direktori Deku va uning jamoasi yozda bo'ladigan pul miqdoriga qarab har bir pozitsiyani kuchaytirish uchun bir nechta rejalar ishlab chiqdi. Ayni damda "Barselona"da aniq nomzodlar yo'q, ammo kataloniyaliklar avvalroq qiziqish bildirayotgan Markus Reshford, Luis Dias yoki Niko Uilyams kabi futbolchilarni sotib olish imkoniyatini ko'rib chiqishi mumkin.