"Yuventus" "Real" murabbiyiga taklif bilan chiqdi

"Yuventus" fitnes bo'yicha murabbiy Antonio Pintusni yana klubda ko'rmoqchi. Relevo xabariga ko'ra, Turin klubi 62 yoshli italiyalik mutaxassisga taklif bilan chiqqan. Biroq, Pintusning ustuvor vazifasi "Real"da ishlashni davom ettirish.

Faoliyati davomida Antonio Pintus ko'plab klublarda fitnes murabbiyi bo'lib ishlagan. Mutaxassis 2006-2007 yillarda "Yuventus"da ishlagan.

Eslatib o'tamiz, "Yuventus" ayni damda Italiya chempionati turnir jadvalida to'rtinchi o'rinda bormoqda. Igor Tudor shogirdlari kelasi mavsum Chempionlar ligasi yo'llanmasi uchun kurashmoqda.