"Barselona" va "Inter" kuzatib borayotgan futbolchi "Liverpul"da paydo bo'lishi mumkin

"Fiorentina"ning o'ng qanot himoyachisi Dodoga "Liverpul" qiziqish bildirmoqda. Bu haqda jurnalist Flavio Onisanti ijtimoiy tarmoqlarida yozgan.

Ingliz klubi vakillari futbolchining agentlari bilan shu mavzuda gaplashib olishgan. Manbaga ko'ra, bu Dodoning 2027 yilning yozida tugaydigan amaldagi shartnomasini uzaytirishga moyil emasligi tufayli ro'y berishi mumkin bo'lgan. U olib borgan muzokaralar boshi berk ko'chaga kirib qolgandi.

"Liverpul"dan tashqari yarim himoyada ham o'ynay oladigan 26 yoshli braziliyalikni "Barselona" va "Inter" ham kuzatib bormoqda.

Dodo joriy mavsumda barcha turnirlar doirasida 44 ta o'yin o'tkazib, 12 ta sariq kartochka ishlab, 6 ta golli uzatmani amalga oshirdi.